推荐预测：韦斯咸主场煞食撑得过

韦斯咸主场煞食撑得过

今晚英超尾场，两支上周中都冇赛事嘅球队对撼，韦斯咸主场对列斯联。韦斯咸今季扮演奇兵，有力挑战前4，佢哋近10场联赛录得7胜1和2负，士气高昂，加上主场发挥超掂，近6主场赢5场，可望喺列斯联身上全取3分，今场小让平半，上盘超抵玩。

韦斯咸一向靠耶莫兰高取分，但呢名乌克兰老将受伤后，领队莫耶斯亦转踢法，由冲撞型嘅米查利安东尼奥攻坚，中场配合罚球王汤马士苏锡克，以及正值当打嘅迪格兰赖斯及柏保路科奴斯，胜在简单直接。季中由曼联借入嘅连格，亦发挥即时作用，短短加盟几仗已取得3个入球，一洗污名。

此外，一条由艾朗加斯威尔、奇治戴臣及伊沙迪奥普等组成嘅后防线，高度及速度兼备，无论应付对手高空波或地面进攻都防守到位。「锤仔帮」近10场联赛只不敌曼城及利物浦，其馀8仗获7胜1和，莫耶斯希望自2004/05年带领爱华顿取得欧联入场券后，今季再带韦斯咸杀入前4。

列斯联作客唔掂

列斯联係今季3支升班球队中表现最好嘅一队，但发挥始终较为飘忽，遇上纪律性强嘅韦斯咸无疑处下风，加上佢哋近期作客脚软，近6场作客输4场，「锤仔帮」让平半必捧上盘。