摘要：几条战线够赢就算今晚英超独脚戏，1哥曼城主场迎战狼队。「蓝月亮」连胜20场，弗到漏油勒都勒唔住，不过佢哋要4线作战唔想消耗太大，踢法上经常点到即止，特别係初段入球唔多，面对一向保守到晕嘅狼队，1.5球...
几条战线够赢就算
今晚英超独脚戏，1哥曼城主场迎战狼队。「蓝月亮」连胜20场，弗到漏油勒都勒唔住，不过佢哋要4线作战唔想消耗太大，踢法上经常点到即止，特别係初段入球唔多，面对一向保守到晕嘅狼队，1.5球嘅半场细值得捧场。
曼城今季屡破纪录，上仗以2比1击败韦斯咸，各项赛事豪取20连胜，继续刷新英格兰顶级联赛球队史上最长连胜纪录。不过「蓝月亮」依家联赛、英联盃、英足盃及欧联均有争标机会，因此喺频密赛程中，领队哥迪奥拿都要谂谂计点样调配兵源，好彩佢哋人脚充俗，派边个上阵都冇问题，而且除咗轮换之外，「蓝月亮」继续利用传控打法，务求「悭水悭力」都可以擸晒3分，因此今季甚少大胜，就算初段领先亦特登拖慢节奏，令比赛入球偏少。单计联赛主场，曼城近7场虽有5场上半场领先，但其中6仗半场开1球或以下，绝对有办你睇，而且伤愈复出嘅阿古路明显冇态，攻力难免打折扣。
狼队稳守唔识入波
以葡萄牙球员为骨干嘅狼队曾经一度心雄进取，可惜结果未如理想，因此近期重拾稳守突击踢法，战绩立即回稳，近7场联赛取得3胜3和仅1败，而且只失4球，其中对住攻力强劲嘅列斯联、李斯特城同车路士，都能保持清白之身，防守稳阵番好多。不过自从箭头鲁尔占美尼斯受伤后，狼队前线欠缺稳定嘅得分点，柏度尼图及法比奥施华表现时好时坏，冬窗来投嘅韦利安荷西更未开斋，因此狼队呢7场联赛仅入6粒，当中6次半场开1球或以下，今次造访曼城必定稳阵行先，中位数1.5球嘅半场细值得捧场。
